spot_img

जिडी फर्मास्युटिकल्सले मजदुरहरुलाई शोषण गर्दै

वीरगंज । जिडी फर्मास्युटिकल्स प्रा.लि. परवानीपुरले आफ्ना मजदुरहरुलाई करिब चार महिनाको तलब नदिंदा पिडित कर्मचारीहरुले आईतवार धर्नामा बसेका छन् ।

वीरगंज स्थित आदर्शनगरमा मुख्य कार्यालय रहेको साहु घनश्याम चाचानको घर अगाडि मजदुरहरुले धर्नामा बसेका हुन् । करिब दुई महिना पहिला पनि मजदुर तथा कर्मचारीहरुले आन्दोलन गर्दा श्रम कार्यालयको सहयोगमा वार्ता बसी मजदुरहरुलाई तलब सुविधा उपलब्ध गराउने सहमति भए पनि सो फर्मास्युटिकल्सका मालिक घनश्याम चाचानले अटेर गरी हालसम्म तलब उपलब्ध नगराउंदा मजदुरहरु मर्माहत भएका छन् ।

नेपालीहरुको महान चांड वडादशैं बितिसक्यो, अब दिपावली र छठ पर्व आईरहंदा तलब पाउंछ भनि आशमा बसेपनि हाम्रा मालिकले हालसम्म तलब उपलब्ध नगराउंदा बाध्य भएर धर्नामा बसेको एक पिडित मजदुरले बताए ।

जिडी फर्मास्युटिकल्सले आन्तरिक राजस्व कार्यालय पर्साको मिलोमतोमा नेपाल सरकारको लाखौं लाख राजस्व छलिरहेका छन् भने श्रम कार्यालयले वार्ता गराएर पनि मजदुरहरुको तलब सुविधा उपलब्ध गराउन नसक्दा अनेक किसिमको शंका उपशंका उब्जिएको धर्नामा बसेका पिडितहरुले बताएका छन् ।

मजदुरहरुलाई शोषण गर्दै आएका जिडीका मालिक घनश्याम चाचानमाथि नियमनकारी निकायले तदारुक्ताका साथ कारवाही प्रक्रिया अगाडि नबढाउंदा मजदुरहरु घर न घाटका भएका छन् ।

एक्सपायर औषधीलाई पुनःलेबल लगाई म्याद बढाउने कार्य गर्ने गरेको केही महिना पहिला चर्चा कमाएका मालिक चाचानले मजदुरहरुबाट काम गराई तलब सुविधा नदिई आफु बिरामी भएको बहाना बनाउदै आएको बताईन्छ । यस सन्दर्भमा घनश्याम चाचान संग सम्पर्क गर्न खोज्दा सम्पर्क हुन सकेन ।

LEAVE A REPLY

Please enter your comment!
Please enter your name here

spot_img
spot_img
भर्खरै
ट्रेन्डिङ
लोकप्रिय

प्रभु बैंकका सिनियर डेपुटी सिइओ न्यौपानेसहित दश जना पक्राउ

काठमाडौँ, १५ फागुन : केन्द्रीय अनुसन्धान ब्यूरो (सिआइबी) को टोलीले प्रभु बैंकका सिनियर डेपुटी सिइओ मनोज न्यौपानेसहित दश जनालाई पक्राउ गरेको छ । ऋण अपचलन...

जन्ती गइरहेका दुईजना युवकको मृत्यु

spot_img