spot_img

श्री ३ चन्द्र माविमा अनियमितता गर्न गैरकानूनी समिति गठन भएको अभिभावकहरूको आरोप

वीरगंज, २६ असोज ।
कलैया उपमहानगरपालिका–१ स्थित श्री ३ चन्द्र माविको विद्यालय व्यवस्थापन समिति गठनमा अनियमितता भएको छ ।
विद्यालयमा आर्थिक अनियमितता गर्नको लागि विव्यस गठन भएको अभिभावकहरूको आरोप छ । गत भदौ ५ गते अभिभावक भेला बोलाइएकोमा सीमित अभिभावकहरूको सहभागितामा हरिओम साह सोनारको अध्यक्षतामा विव्यस गठन भएको थियो ।
केही अभिभावकहरूले गैरकानूनीरूपमा विव्यस गठन भएको भन्दै उच्च अदालत जनकपुरको अस्थायी इजलास वीरगंजमा रिट हालेका थिए । असोज ८ गते अदालतले अल्पकालीन अन्तरिम आदेश जारी गरेको र असोज २२ गते दुवै पक्षलाई छलफलको लागि हाजिर हुन आदेश गरेको थियो । केही प्राविधिक कारणवश असोज २४ गते सुनुवाइ हुने मुद्दामा तारेख लिएकोले कात्तिक १४ गते दुवै पक्षलाई बोलाइ सुनुवाइ गर्ने आदेश गरेको छ ।
विव्यसका अध्यक्ष हरिओम सोनार प्रवीणता प्रमाणपत्र तह वा कक्षा १२ उत्तीर्ण नभएको आरोप लगाइएको छ । माध्यमिक विद्यालयको विव्यसको अध्यक्ष हुनको लागि प्रवीणता प्रमाणपत्र तह वा कक्षा १२ उत्तीण गरेको हुनुपर्ने शिक्षा नियमावलीमा व्यवस्था छ । साथै अभिभावकहरूले विव्यसको अध्यक्ष हुनको लागि विद्यार्थीको अभिभावक हुनुपर्ने अनिवार्य भएपनि सोनारका छोराछोरी सो विद्यालयमा नपढ्ने गरेको बुझिएको छ ।
२०७४ सालमा मानमत–मटिअर्वा सडकखण्डमा विद्यालयको जग्गा पर्दा सोको मुआवजाबापत रु ८० लाख विद्यालयको खातामा आएको थियो । सोही रकम हिनामिना गर्नलाई पनि गलत तरीकाले विव्यस गठन गरिएको अभिभावकहरूको आरोप छ । यस विषयमा प्रधानाध्यापक नरेन्द्र गिरीले कलैया उपनपाका शिक्षा शाखा प्रतिनिधिको रोहबरमा सहमतिमा विव्यस गठन भएकोले यस विषयमा प्राविधिक कुरा मिलेको छ वा छैन भन्नेबारे आफूले केही बोल्न नमिल्ने बताए ।
विव्यसका अध्यक्ष सोनारले आफूमाथि लागेका सबै आरोप निराधार भएको र विद्यालयको मुआवजाको रकम विद्यालयको खातामैं रहेको जानकारी गराउँदै अदालतमा परेको रिट सम्बन्धमा अदालतले जे आदेश गर्छ, आफूले पालना गर्ने बताए । उनले आफू कक्षा १२ उत्तीर्ण नभएको स्वीकार्दै विद्यालयमा क्षति पुर्याउने आफ्नो सोच नभएको र अभिभावकहरूकै सुझावमा अध्यक्ष चयन भएकोसमेत बताए ।

LEAVE A REPLY

Please enter your comment!
Please enter your name here

spot_img
spot_img
भर्खरै
ट्रेन्डिङ
लोकप्रिय

अरुको खाताबाट करीब डेढ करोड रकम चोर्ने राबा पोखरियाका कर्मचारी पक्राउ

वीरगञ्ज ९ फागुन । नेपाल प्रहरीको केन्द्रीय अनुसन्धान ब्यूरो (सिआइबी) ले अरुको खाताबाट पैसा चोरी गरेको आरोपमा राष्ट्रिय वाणिज्य बैंक पोखरिया शाखाका...

प्रहरी उपरीक्षक ढुंगेलले कार्यभार सम्हाले

ट्रयाक्टर पल्टिएर दुर्ई जनाको मृत्यु

ट्रयाक्टर पल्टिएर दुर्ई जनाको मृत्यु

बाघको आक्रमणबाट २ जना घाइते

spot_img