वीरगंज, ८ साउन ।
वीरगंज महानगरपालिका–१ मा स्थानीयवासीले वडा भेला गरी वडाध्यक्ष मनोज राउत कुर्मीसँग पानीको माग गरेका छन् ।
सोमवार वडा भेलामा उपस्थित भएका स्थानीयले वडाध्यक्ष्Fमाथि विभिन्न आरोप लगाउँदै वडावासीको समस्या समाधान गर्न आग्रह गरेका थिए । वडाध्यक्षले वडावासीको फोन नउठाउने र समस्या समाधान गर्न कुनै पहल गर्न नखोजेको वडा भेलामा स्थानीयले आरोप लगाएका थिए ।
वडावासीले सशस्त्र प्रहरीको बिओपी निर्माणको लागि जमीन दिनुपर्ने माग गरेका छन् । यस्तै वडा नं १ मा सांगुरो बाटो भएको कारण वीरगंज महानगरपालिकाले दमकलमार्फत वितरण गर्ने पानी पाउन नसकिएको बताएका थिए । सो वडामा अहिले चरम पानीको अभाव भएको कारण वडावासीले अन्य वडाबाट खाना पकाउने पानी ल्याउने गरेका छन् ।
भेलामा वडा सदस्यले पानीको समस्या समाधान गर्न ठाउँ–ठाउँ २० हजार लिटरको पानीटंकी राख्ने बताएका थिए ।
