वीरगंज, २६ चैत । बाराको सुवर्ण गाउँपालिकामा आइतवारदेखि भइरहेको विष्णु महायज्ञमा दलित समुदायलाई पूजापाठमा रोक लगाएपछि जिल्ला प्रशासन कार्यालय कलैयामा उजुरी परेको छ ।
वडा नम्बर १ घुसुकपुरमा आइतवारदेखि भइरहेको महायज्ञमा दलितहरुलाई प्रवेश गर्न नदिएको भन्दै नेपाल दलित मुक्ति संगठनले जिल्ला प्रशासन कार्यालयमा उजुरी दर्ता गराएको हो । ५ वैशाख गतेसम्म हुने यज्ञमा ९० घरपरिवारका दलित समुदायका व्यक्तिलाई सहभागी हुन वञ्चित गरिएको उजूरीपत्रमा उल्लेख छ ।
तर यज्ञस्थलको मण्डप, पण्डाल, ध्वजापूजा, सरसफफाइ र चन्दा सङ्कलनजस्ता कार्यमा भने दलित समुदायका मानिसहरूलाई प्रयोग गरिएको बताइन्छ ।
उजूरीपत्रमा आयोजक मध्येका रामदेवप्रसाद यादव, इनरदेव यादव, पप्पु यादव, रामअश्रय यादव, दिनेश उपाध्याय, चन्द्रिका उपाध्यायलगायत एक दर्जनविरूद्ध जिप्रकामा लिखित उजुरी गरेका हुन् ।