spot_img

नेपालका कप्तान रोहित र यूएईका मुस्तफाबीच मैदानमै के भएको थियो ?

२८ फागुन, काठमाडौं । आईसीसी क्रिकेट विश्वकप लिग टू अन्तर्गत अन्तिम शृंखलाको आफ्नो दोस्रो खेलमा नेपालले यूएईलाई १७७ रनले पराजित गरेसँगै एकदिवसीय अन्तर्राष्ट्रिय मान्यता अर्को चार वर्षका लागि कायम राखेको छ ।

नेपालले टस जितेर पहिला ब्याटिङको निर्णय गरेको थियो । खराव सुरुवात गरेको नेपालले ८ ओभरभित्रै तीन विकेट गुमाइसकेको थियो । नेपाली ब्याटरहरु मैदानमा क्रिजमा रनका लागि संघर्ष गरिरहँदा १५औं ओभरमा नेपाली कप्तान रोहितकुमार पौडेल र यूएईका सिनियर खेलाडी रोहन मुस्तफाबीच भनाभन भयो ।

आर्यन लाक्राले फालेको १५ औं ओभरको अन्तिम बलमा यूएईले कट विहाइन्डको अपील गरे पनि अम्पायरले आउट दिएनन । त्यसपछि प्वाइन्ट क्षेत्रमा रहेका मुस्तफाले रोहित भएतिर आउँदै केहि भने । त्यसपछि रोहितले आक्रोशित हुँदै त्यसले जवाफ दिए ।

अम्पायर र यूएईकै खेलाडीले दुवै खेलाडीलाई शान्त बनाइरहेका थिए । खेलपछिको पत्रकार सम्मेलनमा कप्तान रोहितले मुस्तफासँगको त्यो भनाभनबारे वास्तविक कुरा बताए ।

१४.६ ओभरमा आर्यन लाक्राको बलमा रोहित आउट हुनबाट मुस्किलले जोगिएका हुन् । बल उनको ब्याटमा लागेर प्याडमा ठोक्किँदै यूएईका विकेटकिपरको हातमा पुगेको थियो । जतिबेला नेपालले ३ विकेट गुमाएर ४०  रन बनाएको थियो भने रोहित व्यक्तिगत १२ रनमा खेलिरहेका थिए ।

‘बल मेरो ब्याटमा लागेर प्याडमा लागेको थियो । मैले अम्पायरलाई त्यही भनेको थिएँ । तर, उनले आएर अम्पायरलाई त्यसरी भन्नुपर्र्दैन भने । हिट अफ द मोमेन्टमा अलिकति नोकझोँक भयो । त्यो पनि हो,’ रोहितले पत्रकार सम्मेलनमा भने ।

यूएईका खेलाडीले नेपाली खेलाडीहरुलाई उक्साउने प्रयास गर्दा नेपालले यूएईको हरेक विकेट र जितपछि पनि विशेष उत्सव मनाएको रोहितले स्वीकारे ।

नेपालले दिएको २४९ रनको लक्ष्य पछ्याएको यूएई ७१ रनमै अलआउट भएपछि नेपालले एकदिवसीय अन्तर्राष्ट्रियमा अहिलेसम्मकै धेरै १७७ रनको जित हासिल गरेको हो ।

नेपालको जितमा ब्याटिङतर्फ कप्तान रोहितले ७७ रनको संयमित अर्धशतकीय पारी खेले भने बलिङतर्फ ललित राजवंशीले करिअरकै उत्कृष्ट बलिङसहित ५ विकेट लिए ।

  

तस्वीरहरू : आर्यन धिमाल/अनलाइनखबर

LEAVE A REPLY

Please enter your comment!
Please enter your name here

spot_img
spot_img
भर्खरै
ट्रेन्डिङ
लोकप्रिय

अमेरिकी निजी यान चन्द्रमामा अवतरण

केप कानाभेरल (अमेरिका), ११ फागुन : एक निजी यानले बिहीबार ५० वर्षभन्दा अधिक वर्षमा चन्द्रमामा पहिलो अमेरिकी ‘टचडाउन’ गरेको छ । यद्यपि उडान नियन्त्रकहरूले...

पेस्तोल र नक्कली नोटसहित तीनजना पक्राउ

नेपाल ए पराजित, क्यानडाले जित्यो शृङ्खला

spot_img