neelamb

मंसिर ५ गते ओली पोखरीया आउँदै,हरिनारायण एमाले प्रवेश गर्ने

वीरगंज
पर्साको क्षेत्र नं ३ बाट ०७४ को प्रतिनिधि सभामा तत्कालीन संघीय समाजवादी फोरम हालको जनता समाजवादी पार्टीबाट निर्वाचित पूर्व सांसद हरिनारायण रौनीयार नेकपा एमालेमा प्रवेश गर्ने भएका छन । नेकपा एमाले पर्साले शुक्रवार वीरगंजमा पत्रकार सम्मेलनको आयोजना गरेर यस्तो जानकारी दिएको हो । रौनीायर संगै अन्य पनि नेकपा एमालेमा प्रवेश गर्ने तयारी भएको एमाले पर्साले जनाएको छ । पार्टीले पर्साको पोखरीया नगरपालिकामा यही मंसिर ५ गते मंगलबारका दिन बृहत आमसभा तथा पार्टी प्रवेश कार्यक्रमको अयोजना नै गरेको छ ।
उक्त कार्यक्रममा पार्टीका अध्यक्ष के.पी.ओलीले पार्टी प्रवेश गराउने तथा समसामयीक राजनीतिका बारेमा सम्बोधन गर्ने कार्यक्रम रहेको नेकपा एमालेका पोलिटब्यूरो सदस्य एवं पर्सा इन्जार्ज अच्यूत मैनालीले जानकारी दिए । ५ गतेको कार्यक्रममा पर्साका २५ हजार जनताको सहभागिता रहने नेकपा एमालेले जनाएको छ । एमाले पर्साले पोखरियाको कार्यक्रममा सहभागि हुनकालागि आमपर्सावासीमा अनुरोध गरेको छ ।
नेकपा एमाले बर्तमान परिवेशमा के सोचिरहेको छ ? उसका धारणाहरु के हुन राष्ट्रीय राजनीतिका सन्र्दभमा एमालेको अडान के हो ? बिकास निर्माणका सन्र्दभमा नेकपा एमालेको भनाई के छ भन्ने कुरा बुझ्न सहज हुने भएकोले आम नागरिकलाई सभामा सहभागी हुन नेकपा एमालेले अपिल गरेको हो । कार्यक्रममा पर्सा जिल्लाका नेकपा माओवादी केन्द्र, नेपाली काँग्रेस, जसपा, लोसपा पार्टीका केन्द्रीय तहका नेताहरुलाई पार्टी अध्यक्ष तथा पूर्व प्रधानमन्त्री केपी शर्मा ओलीले एमालेमा प्रवेश गराउने नेता मैनालीले जानकारी दिए ।
प्रवेश गर्नेमा जसपा पार्टीका नेता तथा पूर्व प्रतिनिधि सभा सदस्य हरिनारायण रौनियारको नाम तय भइसकेको पोलीटब्यूरो सदस्य सुमन प्याकुरेलले जानकारी दिए । प्रवेश गर्ने बाँकी नेताहरुको नाम भन्ने गोप्य राखिएको छ । पार्टीका जिल्ला संयोजक डाक्टर विशम्बर शर्माको अध्यक्षतामा भएको पत्रकार सम्मेलनमा पत्रकारहरुले हरि नारायण रौनीयारको ब्यवसायीक कारोवार , मुद्दा र उनको सार्वजनीक छवीका बारेमा प्रश्न गरेका थिए । कार्यक्रममा पार्टीका केन्द्रीय सदस्य तथा प्रतिनिधि सभा सदस्य प्रभु हजरा, मधेश प्रदेश कमिटी सदस्य शम्भु गुप्ता , पत्रकार महासंघका केन्द्रीय सदस्य के.सी. लामिछाने नेता तेजप्रकाश निषाद , अकलेश साहलगायतको उपस्थिति रहेको थियो । कार्यक्रमको सञ्चालन प्रेस चौतारी नेपाल पर्साका अध्यक्ष श्याम बन्जाराले गरेका थिए ।

LEAVE A REPLY

Please enter your comment!
Please enter your name here

spot_img
spot_img
भर्खरै
ट्रेन्डिङ
लोकप्रिय

वीरगंजमा लामखुट्टेको आतंक बढयो

वीरगंज, २४ मंसिर । नानाथरीका रोग सार्न मद्दत गर्ने शरीरमा अति नराम्रोसँग टोक्ने मच्छर धुप र मच्छर झुल बिना रातमा सुत्नै नसकिने घरका कोठा...

राजधानी शहर काठमाडौं डुङडुङती गन्हायो

neelamb