वीरगंज, १० कात्तिक ।
वीरगंज महानगर–१३ मुर्लीस्थित बौधीमाई मन्दिरमा मेला सम्पन्न भएको छ । बौधीमाईको डोला र कलश यात्रा निकालेर भक्तजनहरुले हरिहरनाथ मन्दिर, सातोमाई मन्दिर, ब्रह्म बाबाको पूजा गरेका थिए ।
यसपटक मेला भव्यताका साथ लगाइएको थियो । बौधीमाई मन्दिरमा भाकल पूरा हुने गरेकोले भक्तजनहरुको मेलामा उल्लेख्य सहभागिता हुने गरेको छ ।
मेलामा मनोरञ्जनका सामग्री, कुस्ती र विभिन्न प्रकारको खानेकुरा बेच्न राखिएको थियो । कलशयात्रामा वडाध्यक्ष सुरेशप्रसाद गुप्ताले जुस र पानीको व्यवस्था गरेका थिए ।