वीरगंज
धर्मिक स्थलमा अश्लिल टिकटक बनाई समाजिक संजालको माध्यमबाट समाजमा अश्लिलता फैलाउने युवकलाई प्रहरीले पक्राउ गरेको छ । केहिदिन अघि जकपुरको जानकी मन्दिरको विवाह मण्डप भित्र अश्लि हर्कत देखाई टिकटक भिडियो बनाई उक्त भिडियो सामाजिक सञ्जालमा भाइरल भएपश्चात भिडियो बनाउने व्यक्तिहरूको तीब्र खोजतलास शुरु भएको थियो । जिल्ला प्रहरी कार्यालय धनुषाको टोलीले उनलाई पक्राउ गरेको हो । जिल्ला धनुषा, औरही गाउँपालिका. ६ पोखरभिण्डा बस्ने अन्दाजी वर्ष १८ कका अनिरूद्र यादवलाई प्रहरीले नियन्त्रणमा लिएर थप अनुसन्धानको लागि म्याद थप गरेको छ । उक्त टिकटक भिडियोमा देखिएकी महिला र भिडियो खिच्ने व्यक्तीहरू समेतको खोज तलाश जारी रहेको धनुषा प्रहरीका प्रवक्ता प्रहरी नायब उपरीक्षक वेदप्रसाद गौतमले जनाए ।