वीरगंज, ७ साउन । गण्डक नहरमा डुबेर एकजना बालकको मृत्यु भएको छ ।
मृत्यु हुनेमा पर्सा, पकाहामैनपुर गाउँपालिका–१ धोरे घर भई हाल वीरगंज–११ श्रीपुरमा बस्दै आएका राजमोहनलाल कर्णका १४ वर्षीय छोरा शुभमकुमार कर्ण रहेको छ ।
हिजो दिउँसो साथीहरुसँगै नुहाउन आएका शुभम नुहाउने क्रममा डुबेपछि उनका साथीहरु त्यहाँबाट भागेको र कसैले परिवारजनलाई खबर गरेका थिएनन् । जसले गर्दा परिवारले खोजी कार्य शुरु गर्दै प्रहरीमा जानकारी गराएको थियो । आज बिहान गण्डक नहरको निर्माणाधीन केवडा (गेट) मा भेटिएपछि प्रहरीलाई खबर गरिएको थियो । घटनास्थल नजीकै गण्डक नहरको डिलबाट शुभमको कपडा फेला परेको छ ।
शव परीक्ष्Fणको लागि नारायणी अस्पतालमा राखिएको र अनुसन्धान भइरहेको पर्सा प्रहरीका प्रवक्ता प्रहरी नायब उपरीक्षक दीपक गिरीले बताए ।
