तस्वीर : आईसीसी
२७ फागुन, काठमाडौं । शुभमन गिलले दश हप्तामा पाँचौं शतक बनाएपछि चौथो टेष्टको पहिलो पारीमा भारतले ४८० रन बनाएको अष्ट्रेलियालाई राम्रो जवाफ दिएको छ ।
बिना विकेट क्षतिमा बनाएको ३६ रनबाट शनिबार तेस्रो दिनको खेल थालेको भारतका लागि गिलले ६२औं ओभरमा आफ्नो टेष्ट करियरको दोस्रो शतक पूरा गरे ।
एकै क्यालेण्डर इयर २०२३ मा तीनवटै फम्यार्टमा शतक बनाएका उनी अष्ट्रेलियाविरुद्ध शतक बनाउने भारतीय युवा ब्याट्सम्यान बने । १९४ बलमा १० चौका र एक छक्काको मद्दतमा शतक बनाएका गिल व्यक्तिगत १२८ रनमा आउट भए ।
उनीभन्दा अगाडि ओपनर रोहित शर्मा ७४ र चेतेश्वर पुजारा ४२ रनमा आउट भएका थिए । तर बिराट कोहलीले भारतीय पारी सम्हाल्ने संकेत गरेका छन् । तेस्रो दिनको खेल सकिँदा भारतले ३ विकेटको क्षतिमा २८९ रन बनाएको छ र कोहली ५९ रनमा क्रिजमा छन् । रवीन्द्र जडेजा १६ रनमा नटआउट छन् ।
यसअघि अहमदावादमा उस्मान ख्वाजाको १८० रन र क्यामरन ग्रिनको ११४ रनको मद्दतमा अष्ट्रेलियाले पहिलो पारीमा ४८० रन बनाएको थियो ।
चार टेष्ट म्याचको सिरिजमा भारत २–१ ले अगाडि छ ।
